Tá an tionscadal Aistriú ar chlár ealaíne Ghaillimh 2020 agus tá sé dírithe ar litríocht na Gaeilge.

Tá an tionscadal á stiúradh ag grúpa in Ollscoil na hÉireann Gaillimh - grúpa a bhfuil saineolas acu ar réimse leathan ábhar, an Ghaeilge, litríocht na Gaeilge, léann na hÉireann agus an t-aistriúchán, ina measc. 

I gcroílár Aistriú tá bailiúchán téacsanna Gaeilge ar théama na himirce le roinnt de na scríbhneoirí Gaeilge is mó cáil. Tá meascán de sheánraí ann lena n-áirítear filíocht, gearrscéalta, úrscéalta agus dírbheathaisnéisí, agus tugann gach ceann acu léargas ar shaol an imiricigh. 

In 2020 nuair a bheidh Gaillimh ina Príomhchathair Chultúir na hEorpa, déanfar aird a tharraingt ar na téacsanna seo trí aistriúcháin nua a chur ar fáil agus coimisiúin a bhronnadh ar ealaíontóirí a rachaidh i ngleic go cruthaitheach leo.

Táimid fíorbhuíoch as an tacaíocht atá tugtha don tionscadal ag ar bpáirtneirí: EFACIS (European Federation of Associations and Centres of Irish Studies), Literature Ireland agus Ealaín na Gaeltachta.